2 Kronieken 33
21 Amon was twijentwinneg joar dou hai keunenk wer en hai regaaierde twij joar in Jeruzalem.
22 Hai dee wat kwoad was in de ogen van de HEER, net zo as zien voader Manasse doan haar. Amon ovverde aan ale beelden dij zien voader Manasse moaken loaten haar en vereerde dij.
23 Mor hai gaf zok nait deel veur de HEER, zo as zien voader Manasse doan haar. Hai, dij Amon, muik zien schuld allain mor groder.
24 Zien knechten muiken n komplöt tegen hom en muiken hom dood in zien aigen pelaais.
25 Mor t volk in t laand brochde elk dij mit dij soamensweren tegen keunenk Amon mitdoan haar om haals, en t muik zien zeun Josia keunenk in zien stee.
|